Bağça və məktəb mövsümündə uşağın tez-tez xəstələnməsini necə azaltmaq olar?

1-ci qayda: düzgün və vaxtında qidalanma

• Əsas yeməklər hər gün təxminən eyni saatlarda verilsin.
• Menyuda kifayət qədər zülal olsun: ət, toyuq, balıq, yumurta, paxlalılar, süd məhsulları.
• Şirniyyat, fast-fud, çips və şəkərli içkilər məhdudlaşdırılsın.
• Şorbalar və duru yeməklər, meyvə və tərəvəz gündəlik qida rasionunda mütləq yer alsın.

2-ci qayda: yaşa uyğun yuxu rejimi

Yuxu ehtiyacı yaşa görə dəyişir. Yenidoğulmuş körpələr daha çox yatır, yaş artdıqca yuxu müddəti qısalır. Amerika Yuxu Təbabəti Akademiyasının tövsiyələri (Amerika Pediatriya Akademiyası da bu tövsiyələri dəstəkləyir):

Hər gün eyni vaxtda yatmaq və yatmazdan əvvəl ekran qarşısında keçən vaxtı məhdudlaşdırmaq yuxu rejimini qurmağa kömək edir.

3-cü qayda: gigiyena

• Uşağa əllərini sabunla ən azı 20 saniyə yumağı öyrədin: tualetdən sonra, yeməkdən əvvəl, evə qayıdanda.
• Dırnaqları qısa və təmiz saxlayın, saç gigiyenasına diqqət edin.
• Alt və üst paltarları təmiz və səliqəli olsun.
• Stəkan, dəsmal kimi şəxsi əşyaları başqaları ilə bölüşməməyi uşağa izah edin.

4-cü qayda: peyvəndlər vaxtında

Peyvəndlərin milli peyvənd təqviminə uyğun, vaxtında edilməsi uşaqları yoluxucu xəstəliklərdən qorumağa kömək edir. Mövsümi qrip peyvəndini 6 aylıqdan etdirmək olar, bu barədə həkiminizlə danışın.

Xəstə uşağı evdə saxlayın

Qızdırması, qusması və ya ishalı olan uşaq kollektivə getməməlidir. Bu, həm onun tez sağalmasına, həm də başqa uşaqların qorunmasına kömək edir.

Tez-tez xəstələnmə nə vaxt normal sayılmır?

Aşağıdakı hallarda uşaq pediatr tərəfindən ətraflı müayinə olunmalıdır:

• uşaq ildə bir neçə dəfə sətəlcəm (pnevmoniya) keçirirsə;
• infeksiyalar tez-tez ağır keçirsə və xəstəxanada müalicə tələb edirsə;
• uşaq bir infeksiyadan tam sağalmamış yenisinə yoluxursa;
• çəki və boy artımı ləngiyirsə.